ክህነት አጽናፈ ዓለሙን የፈጠረውንና የሚገዛውን አምላክና ይኸው አምላክም በአርአያውና በአምሳሉ የፈጠረውን ሰውን በመንፈስ የሚያገናኝ ድልድይ ስለሆነ ከስጋዊ ሀሳብ የተለየ መለኮታዊ ስጦታ ነው ። በመሆኑም ፣ ከእግዚአብሔር ህዝብ መንፈሳዊ አገልግሎት ጋር መያያዙ የግድ ነው ።

ከእነዚህ በጠቅላላው የንጉስ ካህናት ከሆነው ህዝብ ተለያይተው በእግዚአብሔርና ህዝቡ በመረጠው ሕዝቡ መካከል የመስዋእትና የአምልኮቱን ሥርአት እንዲያከናውኑ የተመረጡ የሌዊ ልጆች ካህናት ናቸው ። ካህናቱም በህዝቡና በእግዚአብሔር መካከል የገባውን ሀጢአት የማሰተሥረያ መስዋእት በማቅረብ የማስተሥረይ ስራን ያካተተ አገልግሎት የመስጠት ኃላፊነት ነበረባቸው ።